Қозғалтқыштың қуатын әр дөңгелекке беру арқылы симметриялы Subaru толық жетегі сулы әрі тайғақ жолда ілінісу сипаттамаларын жақсартады. Негізгі компоненттердің бойлай орналасуының арқасында бұл жүйе жоғары тұрақтылық пен қауіпсіздікті қамтамасыз ететін төмен ауырлық ортасы бар жақсы теңгерілген конструкциямен ерекшеленеді.

Subaru компаниясы осымен 50 жылдан астам уақыт бойы өз автокөліктерін SUBARU BOXER қозғалтқыштарымен жабдықтап келеді, бұл қозғалтқыштың басқа типті күш агрегаттарының алдындағы артықшылықтары көп. 2,4 литрлі турбиналы, отынды тікелей бүрку жүйесі бар WRX қозғалтқышының поршеньдері көлденең бағытта бір біріне қарсы бағытта қозғалады, осының арқасында конструкцияның беріктігі мен сенімділігі қамтамасыз етіледі, сондай-ақ жүріс кезіндегі айрықша тұрақтылыққа және дірілдің минималды болуына кепілдік беріледі.

SGP автокөлікке тамаша спорттық мәнерде басқару мүмкіндігін береді, жүргізу жайлылығы мен ләззатын сыйлайды, бұл қасиеттер Subaru-ға тән. Шанақ қаттылығы мен құрылым беріктігі толықтай ішкі рама деп аталатын оңтайландырылған конструкцияның арқасында жағымсыз дірілдер мен шуды азайту үшін жақсартылған.

Кез келген автосүйерге сай келетін жүрістің нақ әрі болжамды болуына қажетті берілістердің тез әрі дәл қосылуы спорттық жүрісті қамтамасыз етеді. Үдеудің жақсартылған сипаттамалары, акселератор педалінің басылуына тиімді жауап қайтару, қажетсіз діріл мен шудың азайтылуы, сондай-ақ отынның жоғары үнемділігі жүргізуден алатын ләззатты арттырады.

Рульдің минималды кідіріспен спорттық әрі сезімтал басқарылуын қамтамасыз етеді. Тегершіктер күшейткіштің электрқозғалтқышы мен руль бағанының білігі арқылы қозғалысқа келтіріледі, осының арқасында руль бағанының білігіне үйкелісі азайып, айналдыру моментінің берілісі біркелкі әрі тізбекті болады.

Жалғыз отырып, спорттық мәнерде жүргізуден ләззат алғыңыз келе ме әлде отбасыңызбен бірге саяхатқа аттанғыңыз келе ме? WRX кез келген сапарды әсерлі етеді. Drive Mode Select *2 жүріс режимдерін таңдау жүйесі жүргізушіге алдын ала орнатылған төрт режимді (Comfort, Normal, Sport, Sport+) жүргізудің кез келген жағдайы үшін ұсынады. Өз параметрлеріңізді «Жеке» режимінде орнатуға болады.

WRX-ті әзірлеу кезінде инженерлер аэродинамикалық кедергіні азайтуға және жүріс кезіндегі тұрақтылықтың жоғарғы сипаттамаларын қамтамасыз етуге ерекше көңіл бөлді. Шанақтың жоғарғы және төменгі бөліктерінің конструкциясын түрлендіру жоғары жылдамдықта шайқауды азайтып, аса жайлы жүрісті қамтамасыз етеді.